Erreportari gaztea saria

Andoaingo Udalak Beterri-Aiztondoko eta Buruntzaldeko gazteen arteko Erreportari Gaztea izeneko erreportaje lehiaketarako deialdia egiten du, ondorengo hauek direlarik Sariaren oinarriak.

Oinarriak 2017 Erreportari Gaztea Bloga

Sariaren helburua

Andoaingo eta inguruko herrietako gazteen artean komunikazio idatzia euskaraz zuzen ez ezik txukun eta egoki ere egiteko gaitasuna eta kazetaritza-zaletasuna bultzatzea da sari honen helburua.
Horrela, bada, saria erabakitzeko irizpide nagusiak honako hauek izango dira:

  • idazketaren egokitasuna
  • estiloa
  • datu-bilketa
  • zailtasuna

Erreportajearen gaia

Beterri-Aiztondo eta Buruntzaldeko hamaika herri horietako gertakari bati edo batzuei buruzkoa izan beharko du erreportajeak. Hori bai, edozein garaitakoa eta edozein alorretakoa izan daiteke gertakaria, hau da, berdin iraganeko urteetan gertaturikoa, berdin gaur egunekoa, eta edozein gauzari buruzkoa, baina beti ere nahitaez aipatutako hamaika herri horietakoren batekin edo batzuekin zerikusi zuzena duena. Epaimahaiak salbuespen moduan onar dezake aipatutako herri horietako gertakari bati buruzkoa ez izatea erreportajea, baldin eta erreportajearen aztergaia, oso nabarmen, interes apartekoduna eta gaur gaurkoa baldin bada, eta erreportajearen barruan jasotzen diren iritzien emaile batzuk zuzenean elkarrizketatu izan baldin badituzte erreportaje honetarako.

2017ko  saridunak

Lehenengo saria: ISILDUTAKOAK ERREPIKATZENIrune Gozalo eta Ainhoa Manterola 

Bigarren saria: OTEGITARRAK: BOST BELAUNALDI PILOTA ASTINTZEN  Lili Zubeldia eta Ibane Otegi. xue

Hirugarren saria: LIBURU BILDUMA HUTSETIK SORKUNTZA ARETORA, Araitz Igerategi eta June Montejo. 

Leizaran institutua, erreportaje onena: MODELOAK MODAN? , Riad Mouaffaq, David Alvarez eta Irene Sansamendi. 

La Salle-Berrozpe, erreportaje onena: ORGANISMOARENTZAT ETENALDIA , Leire Bueno eta Irune Elizondo. 

 

2017ko Ekitaldiaren argazkiak

2016ko ekitaldiaren argazkiak

2015eko ekitaldiaren argazkiak

Saritutako lanak, irudiak eta informazio gehiago:

Erreportari Gaztea Saria