2017-2018 IKASTURTEAN EUSKARA IKASTEKO DIRULAGUNTZAK
Matrikularen % 85 ordainduko du Udalak
Andoaingo Udalak onartu ditu 2017-2018 ikasturtean HABEk homologaturiko euskaltegiren batean euskara ikasketak egiteagatik andoaindarrek jaso ditzaketen dirulaguntzak (Andoaingo euskaltegia HABEk homologatua da: Plazaola kalea, 2).
Dirulaguntza:
– Ohiko ikastaroetan, matrikularen % 85 emango da. Autoikaskuntza ikastaroen kasuan, % 100ekoa izan daiteke dirulaguntza, gehienez ere 664 euro. Barnetegietako ostatu gastuen % 50 ordainduko da, betiere 400 euroko mugapean, ikasleko eta ikasturteko.
– Dirulaguntza hauek bateragarriak dira HABEk ikasleei ematen dizkien dirulaguntzekin, betiere gainfinantzaketarik gabe.
Baldintzak:
– 16 urte beteak izatea ikastaroa amaitzen den egunerako.
– Andoainen erroldatuta egotea dirulaguntza eskaera egin baino sei hilabete lehenagotik gutxienez.
– Ikastaroan gutxienez % 85eko asistentzia izatea.
– HABEk homologatutako ikastaroa egitea, HABEk homologatutako euskaltegietan, Andoainen nahiz Andoaindik kanpo.
– Dirulaguntza eskaeraren aurreinskripzio egitea, Udaletxeko Ataria bulegoan, ikastaroa hasi eta 30 egunen barruan.
– Ikastaroa amaitu eta 15 eguneko gehieneko epean dirulaguntza eskaera aurkeztea udaletxeko Ataria bulegoan.
– Andoaingo udalerrian euskara sustatzeko jardueretarako dirulaguntzak arautzen dituen Ordenantzan jasotzen diren baldintzak.
