Igarotako Ekitaldiak

HABI 2018an sortu zen, Jon Ander Artola eta Yeray Gascon taldekideen bideak gurutzatuta. Villabonan jaioak dira biak, eta musikarekiko pasioak elkartu zituen haien bideak. Horren emaitza da Habi: Jon Anderren bateriaren indarra eta Yerayren gitarraren soiltasuna, azkenaren ahots bereziaren osagarri. Batu eta sei hilabetera plazaratu zuten zortzi kantu biltzen dituen lehen lana: ‘Loratu’. Konfinamendu garaian iritsi zen bigarren proiektua: azken hilabeteetan sortu zituzten abestiak bildu, findu eta bigarren disko batean jaso zituzten: ‘Koloreak’.

2002a ezkeroztik herriz herri, enparantza, antzoki, kultur etxe, frontoi, ikastetxe, jolas toki edo kirolgune hainbat ezagutu ditugu. Urtero ikuskizun berri bat eskeintzen dugu, zorionez urtero leku berdin batzuetara joaten garelako, horrela bertakoek ikuskizun desberdin bat ikusi dezakete. Gai berri bat eta elementu desberdinak erakusten ditugu urtero, eszenatokia berrituz. Aldiz, gure ikuskizunen funtsa bera da. Ikuslea ikuskizunaren parte senti araztea, elkarrizketa sortzea, parte hartzea bultzatzea bai jolas eta dantzaren bitartez, eta bide batez gai pedagogiko bat jorratzea. Horretarako gorputz espresioa, musika,…

Informazioa: https://luhartz.com/  

Ekhi Lambert Irulegiko konpositore eta kantautorea da. Influentzia desderdinak lotuz (herrikoia, pop, musika inpresionista, filmetako musika), interpretazio eta idazkera musikalaren norberako ikusmoldea aldarrikatzen du. Konposizio eta moldaketak beste artista batzuentzat ere egin izan ditu, baita orkestra eta dantza konpainientzat. "Inbasioak" bere bakarkako bigarren diskoarentzat hainbat musikarirekin obra oparo, zorrotz eta anbiziotsua sinatzen du pop orkestralaren ildoan.

2023ko Umore Azokako Epaimahaiak Aipamen Berezia ematen dio Harrobi Dantza Bertikala konpainia gazteari, “Geure(R)a” ikuskizunagatik, “zuzeneko musikaren, irudiaren eta dantzaren arteko fusio koordinatuagatik” eta “historian zehar emakumeen oroimena zalantzan jarri eta lekualdatzen duen hari poetikoagatik. Bere dramaturgiak emakumeen inguruko memoria zalantzan jartzen du, eta gaur egun plantea daitekeen galdera batekin amaitzen da: Nortzuk diren gaur egun sorginak? Eta nortzuk dira zapaltzen dituztenak”. Informazioa HEMEN

"Sustrai", ikuskizun berritzaile bat da. Iragana, oraina eta etorkizuna erabiliz bidaiatzeaz gain, hauekin ere jolasten duena. Bertan, gainera, zirku garaikideaz gain, arte plastikoen zuzeneko erakustaldia ere eskaintzen da. "Sustrai"-k, era berean, zirkuko artisten, Miren Barrena artista plastikoaren eta herritarren arteko elkarrizketa sinbolizatzen du. Eszenatokira kezka eta beldur desberdinak eramaten dira, baina baita, bakoitzaren istorioa, jakinduria pertsonala eta, batez ere, aurrera egiteko gogoak. Zirkua, akrobaziak, dantza eta antzerkia elkar lotuz, bederatzi artistek osatzen duten ikuskizuna da. Informazioa HEMEN

Maitane Gartziandia ilustratzaileak eta Miren Artetxe eta Eli Pagola testuen egileek, bertso saio baten bueltan gerta daitezkeen hamar eszena jaso dituzte erakusketa honetan. Ño! Komikian inspiratutako erakusketa. Informazioa

KUKAI taldearen sorkuntza berri baten aurrean gaude. Txalaparta jotzeari utzi eta gero, inor ere ez da gertatutako soinuaren jabe: ezin da heldu, haren izaerak desafio egiten dio finkotasunaren ideiari. Nor bere gorputza sakonago entzun eta hautematen da: hegaldi bihurtzen. Informazioa