Dagoeneko DA! kanpainaren sarituak ditugu HEMEN
Euskal kultura sustatzeko helburu eta Durangoko Azokaren 59. edizioa (DA!) ospatzeko Andoaingo Udalak euskarazko liburuak erosteko 25 euroko 59 bono zozketatu berri du abenduaren 3tik 18ra izena eman zutenen artean.
Kontsultatu zerrenda eta, sariduna izan bazara, Udaletxeko ATARIA zerbitzutik pasa zure bonoaren bila. Irabazleek urtarrilaren 20ra arte izango dute aukera herriko liburu-dendetan bonoa erabiltzeko.
Atzo, azaroaren 27an, Bastero Kulturgunean, 36. Rikardo Arregi Kazetaritza Saria ekitaldia gauzatu zen, eta bertan ezagutzera eman ziren aurtengo euskarazko kazetaritza eta komunikazio lan onenak, epaimahaiaren arabera:
Ekitaldi horretan bertan, Ana Galarraga Aiestarani entregatu zitzaion ohorezko mugarria
Feminizketak
Ikusgela
Saridunak, alkatea eta sailburuordea
saridunak eta finalistak
Abian da 2024-2025 ikasturteko Euskara Familian programa. Bertan hiru jarduera, guztiz doakoak, biltzen dira:
Izen-ematea https://labur.eus/EuskaraFamilian_2024 galdetegiaren bidez egin daiteke.
Irailaren 11tik urriaren 14ra bitartean egongo da irekia epea dirulaguntza eskaera aurkezteko Udaleko ATARIA zerbitzuan edo egoitza elektronikoan.
Baldintzei eta prozedurari buruzko informazioa: HEMEN
Aurten ere istorioak plazetan entzuteko aukera izango dugu, haurrek nahiz helduek!
IPUINGIRO ekimenaren bidez, herriko beste hiru txokootan eskainiko dugu ikuskizun bana: Etxeberrieta plazan, Bazkardo auzoko frontoian eta Plaza Morean.
FAMILIENTZAKO SAIOAK:
UZTAILAK 2, asteartea, 18:30, Etxeberrieta plaza
AMAIA ELIZAGOIEN + IRATI CELESTINO:
“Ameli eta xirrikituen jostunek” ipuin kontalari musikatua.
(3 urtetik gora)
UZTAILAK 9, asteartea, 18:30, Bazkardo auzoko frontoia
ODEI ARREGI: “Ganbarako ipuinak”
(5 urtetik gora)
HELDUENTZAKO SAIOA:
UZTAILAK 16, asteartea, 20:00, Plaza Morea
ASISKO URMENETA: “Gora euskal herrientsak”
Rikardo Arregi Kazetaritza Sariaren 36. edizioaren oinarriak aurkeztu dituzte Andoaingo Udalak eta Eusko Jaurlaritzak Andoaingo Buruntzako San Martin aztarnategian. Horretarako bertaratu dira haraino Marta Lasa, Andoaingo Udaleko Euskara Zinegotzia, Estibalitz Alkorta, Eusko Jaurlaritzako Euskara Sustatzeko behin-behineko Zuzendaria eta Mikel Arregi, Rikardoren anaia gazteena. (ikusi prentsa-oharra)
Aurten ere, bi sari izango dira: “Kazetaritza saria” eta “Komunikazio saria”. Honenbestez, finalistak izendatuko dira, Kazetaritza sarirako lau eta Komunikazio sarirako beste lau, gehienez. Sarituak izateko hautagaitzak proposatzeko aukera izango du edonork, nork bere buruaren edo beste norbaiten aldeko proposamena egin ahal izango duelarik, baina finalistak eta saridunak erabakitzeko ez da nahitaezko baldintza izango aldez aurretik hautagaitza aurkeztu izana.
Saria 9.000 eurokoa da, eta Xabier Lakak Sarirako berariaz egindako irudi artistikoa jasoko du saridunak.
Saridun izateko hautagaitzak (kazetaritza edo komunikazio lanak) irailaren 20ra bitartean aurkez daitezke, proposamenak Andoaingo Udalera posta arruntez bidaliz edota helbide elektroniko honetara igorriz: raks@andoain.eus. Finalista edo sariduna izateko ez da, halere, ezinbestekoa izango hautagaitza aurkeztea, epaimahaiak aukera osoa baitu bere proposamen propioak eztabaidatzeko, eta jasotako proposamenen eta epaimahaikideek beraiek egin eta eztabaidatutakoen artean finalistak eta sariak erabakitzeko.
Epaimahaia ondorengo kideek osatzen dute: Miren Berasategi Zeberio (Deustuko Unibertsitateko irakasle eta ikerlaria), Eneko Bidegain Aire (idazlea eta Mondragon Unibertsitateko HUHEZI fakultateko irakaslea), Itxaro Borda Xarriton (idazlea eta prentsa kolaboratzailea), Angel Erro Jimenez (idazlea, itzultzailea eta prentsa kolaboratzailea), Pantxika Maitia (kazetaria) eta Libe Mimenza Castillo (UPV/EHUko irakaslea eta ikerlaria). Mahaiburua izango da Andoaingo Udaleko Euskarako zinegotzi arduraduna, Marta Lasa Goñi, eta idazkaria, Andoaingo Udaleko Euskara teknikaria.
Lanartea elkartearen liburua ikuskizun
1976 hura Euskal Prentsaren Urtea izatea erabaki zuten euskarazko hedabideek. Erabaki horren arrazoia zen euskal prentsan idazteak doako militantzia suposatzen zuela. Horrela, ezin informazioa hedatu, artilukuak eta iritziak ez baitziren aski garaiko errealitatea islatzeko. Halere, euskal prentsak erdarazko hedabideek isiltzen zituztenak atera zituen argitara askotan, isunak isun eta zentsurak zentsura. Era berean, belaunaldi berri bat hasi zen euskaraz idazten eta idaztetik bizitzen, hedabideek lagundu zuten euskara batua finkatzen eta sinesgarritasun handia jaso zuten irakurleen artean.
Liburua ikuskizun bilakatu dute Lanartea elkartearen kideek, testuek eta musikak lagunduta.
Bederatzi lan aurkeztu dira aurtengo Andoain Laburrean film laburren lehiaketara.
