Andoaingo Udalak Eusko Jaurlaritzako Kultura eta Hizkuntza Politika Sailaren babesarekin antolatutako sariaren ekitaldia gauzatuko da azaroaren 29an, asteazkenarekin, Andoaingo Bastero Kulturgunean. Atal bakoitzerako epaimahaiak izendatutako 4na finalisten artetik bi saridunak nortzuk diren jakinaraziko da. Finalistak ere bertan izango dira, eta beraiek ere orduan jakingo dute, ez lehenago, nortzuk diren saridunak.
Kazetaritza saria:
- BIDEAK podcasta, NAIZ irratiak eta Mediabaskek elkarlanean sortutakoa.
- Zelan sentitzen zara?, GEURIA komunikabidearen ale berezia
- KINKA podcasta, BERRIA.
- Urte batetik bertzera, mundu batetik bertzera, Xabier Itzainaren kronika sorta dantzan.eus hedabidean
Komunikazio saria
- LORE HOSTOAK podcasta, EITB Podkast
- #10garrena podcasta, EITB Podkast
- MUAK ET webseriea
- HARPA JOTZEN podcasta, EITB Podkast
Ekitaldia 19:00etan hasiko den arren, Bastero Kulturguneko ateak 18:50ean itxiko dira, EITBk streaming bidez zabalduko baitu www.eitb.eus-en bidez. Nahiz eta ekitaldi publikoa den, eta sarrera librea den, antolakuntzak eskertuko luke aldez aurretik izen-ematea honako estekaren bidez:
https://labur.eus/RAKS2023
