Pasa den irailaren 15ean bertan behera geratu zen emanaldia berreskuratuko dugu irailaren 29an, 21:00etan Goikoplazan, eta eguraldia lagun ez badugu, Basteroko ekitaldi aretoan.
Hiru filmek osatzen dute trilogia: Ataun of the Dead (22’), Joxean’s Hil Eben (41’) eta Napar Death (48’). Film hauek Katihotsak taldeak ekoitzia da Xabier Padin eta Beñat Iturriozen zuzendaritzapean. Filmek lehen karlistaldiko Tomas Zumalakarregi eta bere agindupeko mutilak “berpizten” dituzte, gure garaira ekarri eta umorez janzten ditu karlista eta liberalen artean sorturiko gerra eta gatazkak. Filmak jatorrizko bertsioan emango dira, euskaraz, eta azpitituluak ere euskaraz eskainiko dira.
